經過國際賽日後，球會賽事戰火重燃，英超三強利物浦、車路士同曼聯下周中都要踢歐聯賽事，領隊與球員會避重就輕，雖然「藍軍」同「紅魔鬼」聯賽爭持激烈，但兩隊同以晉級歐聯四強為大前提，Peter建議擁躉們小心，不如等下周中先押注落佢身上。
英超頭場重頭戲，利物浦有歐聯後顧，主場對阿仙奴難言穩勝。「紅軍」如果成功取得歐聯冠軍，季內所有盃賽失望都可挽回，以目前形勢睇，佢條線幾靚，幾有機會打入決賽，所以注意力已經放下場歐聯對燕豪芬賽事。阿仙奴預四大皆空，可以輕裝上陣，但「兵工廠」一方面為名譽而戰，同時要穩住前四，唔會輕易畀利物浦過關，下盤值得考慮。
韋根下盤富咸大一樣好路
同日仲有好多英超賽事，護級大戰韋根作客查爾頓，查爾頓要搶分護級，韋根亦有同樣目標，如果韋根今場成功搶到一分，就可以查爾頓個棺木上加一口釘，受讓平半可捧場。至於富咸同樸茨茅夫都係高不成，低不就，押注主客和有風險，兩隊放開踢，呢場賽事要玩一定買「大」。
要搵場穩健選擇，Peter提供東北名牌紐卡素主W，「喜鵲」失意聯賽及足協盃，現階段要盡量收復失地，今晚主場對曼城要爭分。曼城上場作客贏米杜士堡止血，但表現唔算好，客場上陣靠唔住。
