巴塞隆拿西班牙盃恥辱出局，相信令唔少球迷大跌眼鏡，不過度士唔覺得一場大敗會對一支冠軍球隊構成大影響，今晚西甲返主場對貝迪斯，巴塞有良好賽績支持，度士睇好「讓球主勝」。（有線足球台61周一凌晨１時直播）
巴塞已經與歐聯及西班牙盃絕緣，聯賽成唯一希望，球隊今場不但要贏，仲要贏得漂亮，向球迷證明盃賽出局純粹意外。度士知道有唔少球迷擔心巴塞慘吞基達菲四蛋後會洩氣，但巴塞球員及練團都好有經驗，偶然落敗唔會有大影響，反而更能激發起球員鬥心，朗拿甸奴、伊度奧及隊長佩奧爾都對勝負榮辱相當執，一定會帶球隊重上正軌。巴塞於聯賽主場平均入球超過兩個，「讓球主勝」有數據支持，值得捧場。
貝迪斯近況曳
貝迪斯有護級壓力，奈何巴塞亦要爭標，鬥志一環貝迪斯冇優勢可言。近兩場貝迪斯都冇入球能力，狀態唔會好得過巴塞，度士相信巴塞眾星今場如能有正常發揮，「讓球主勝」絕對係手到拿來。
