海倫芬作客唔掂
阿積士今季有戴維斯加盟，加上史譚同一眾新星史奈達、亨特拉爾同艾曼紐臣等猛將坐鎮，本應諗住可以大展拳腳，重奪失落兩年荷甲冠軍，甚至乎衝擊歐聯。結果呢？歐聯外圍賽出局，轉戰歐協畀不來梅淘汰；荷甲入到直路又畀死敵燕豪芬趕過，以得失球差飲恨，都咪話唔慘。好啦，依家附加賽首回合仲輸埋畀海倫芬，若果連個歐聯席位都保唔住，你話點同球迷交代？
好彩，呢班波勝在有頑強鬥心，上星期荷蘭盃決賽，落後情況下扳平，最後仲以互射十二碼擊敗阿爾克馬爾，贏番隻盃仔，總算鼓舞一下士氣。再講，阿積士入球能力真係相當驚人，單計近十仗，就入二十七球；相反海倫芬只係車邊入到「荷聯附」，今季聯賽作客加埋失二十九球，實力根本難以同主隊相提並論，「讓球主勝」有2倍，抵玩
