要成為一個好教練，得到球員支持同肯為佢賣命，Peter認為有兩個要點，第一，本身要有料，戰術同用人等能夠服眾；第二，要懂得照顧球員心理，適當時候施以援手。車路士頭莫連奴一向有料，上周賽和阿仙奴失落聯賽錦標後，只要留意佢一舉一動，就知道練如何令球員信服。
當英超冠軍塵埃落定，莫帥對內對外處事手法，絕對係所有練典範，首先佢引導球迷向球員致敬，因為佢打少個逼和，實在唔容易，有時唔係贏波先讚球員，只要佢盡力拚搏，就算冇聯賽冠軍亦抵讚。賽後莫帥表揚球員踢得好，甚至讚佢比上兩季更好，踢波從來踢運數，今季多傷兵，運氣用盡唔怪得球員。
至於對外方面，莫連奴即時祝賀曼聯奪冠，同時亦與Ｃ朗冰釋前嫌，將敵對關係修補。莫帥種種舉動，證明佢懂得面對贏波處境之餘，亦識得處理逆境，呢個時候處理得非常恰當，輸波並冇輸風度。大家除讚冠軍頭，負方主帥亦有東西值得學習，莫帥處理光輝同失落手法，實在值得好多香港頭效法。
費古倫斯主Ｗ值博
英超聽晚先煞科，巴甲賽事開咧，今日Peter推介費古倫斯主Ｗ，對手帕拉尼恩斯係正牌「地頭龍」，離開主場之後就好似食人魚甩牙，費古倫斯主勝分頭唔錯，值得一試
