今季英超最后一轮比赛，焦点会集中喺几场抢分护级大战，但係千祈咪走漏保顿对维拉呢场赢输无关痛痒嘅比赛。维拉喺下半季走势好劲，已经连续八场不败，单计近六场战绩四胜二和，更加係英超同期排名第一，认真唔讲得笑。维拉本来已经无力冲击来季欧洲赛资格，亦都一早护级无忧，所以有本钱踢风流波，无欲无求兼冇野心，亦因此被忽视，点知道球员喺冇压力下，反而愈踢愈劲，上场狂砌锡菲联，美妙小组入楔踢得好精彩，以对赛往绩、近况同状态，维拉随时踢残保顿。近五战不胜嘅保顿，有唔少令人担心嘅问题，上星期都提过前主帅艾拿戴斯突然离队，搞到军心不稳，球员斗心值得怀疑，加上几个主将有伤在身经常扎住踢，自然影响整体发挥，又点可以寄予厚望！
讲开维拉自然谂到上场畀佢哋大炒嘅锡菲联，为己欲人生擒韦根冇走鸡！锡菲联番到主场表现判若两队，近八次主场赢五场，连阿仙奴同热刺都输畀佢地，球员信心爆棚，好似坦克车一样撞到客军散晒。上季升上英超表现一鸣惊人嘅韦根，事隔一年之后神奇不再，而且由季中开始突然谢晒，近八场未赢过，以前嘅拼搏精神冇晒，致命伤係中坚迪施奥经常受伤，严重影响球队防守力，成为韦根最大隐忧，只有输埋呢场黯然降班。
保顿 -0.5 阿士东维拉 推介：阿士东维拉
锡菲联 -0/0.5 韦根 推介：锡菲联
