今日度士轉一轉牌頭，同大家研究葡超賽事。其實葡萄牙足球水平唔低，好多年輕球員未成名前都去過葡萄牙學法，好似中國球員于大寶，現時就賓菲加預備組學習。今日要留意場合係比蘭倫斯對馬里迪莫，比蘭倫斯爭緊來屆足協盃參賽資格，為免被緊隨其後布拉加及費利拿追近，今晚主場出擊一定會力爭三分，主Ｗ值得捧場。（周日凌晨４時開賽）
馬里迪莫等收工
比蘭倫斯與兩大班霸士砵亭及賓菲加可謂同氣連枝，事關三支球隊都係出自首都里斯本，士砵亭同賓菲加一向都係爭標分子，但比蘭倫斯都能打入前列就非常難得，自然要保持強勢過終點。比蘭倫斯全靠季前告甩基維辛迪使用違規球員至唔使降班，季初飽受白眼，但球隊知恥近乎勇，依家有機會爭踢來屆足協盃參賽資格，冇理由衰收尾！
馬里迪莫冇機會爭足協盃參賽資格，一支冇爭勝推動力球隊，作客就更加唔睇好
