美國國慶日上演五場美職大戰，其中FC達拉斯對美國芝華士之戰，主隊佢個必勝客公園球場大搞慶祝節目，球員仲能唔能夠集中精神比賽，力奇都幾懷疑！況且咪畀FC達拉斯個「一哥」排名呃到，查實佢只係較對手踢多幾場先至排名高，論近況根本唔算突出，家陣仲要讓平半，力奇寧願撐下盤。（開賽時間：周四早上6:30）
達拉斯政府部門據聞會國慶日大搞慶祝活動，當中必勝客公園球場除有波睇之外，賽後仲話會有演唱會同煙花匯演添，雖然話場內氣氛肯定一流，但賽前賽後場內外都人來人往，嘈喧巴閉，身為主人家達拉斯球員集中力隨時會被影響。
「一哥」排名虛有其表
就算唔計呢場內因素，齋計實力，FC達拉斯又係咪贏梗芝華士先？睇番家陣聯賽榜形勢，FC達拉斯雖然以二十六分排頭位，但實際上排第七位芝華士只係落後佢六分，但足足係少踢四場之多，換句話講，芝華士反而係失分較少一隊。
至於話講到近況，達拉斯近三戰得勝和負各一，狀態已經麻麻；最令人擔心其實係三戰只入得一球波，佢射手羅拔圖明拿同堅尼谷巴相繼受傷之後，鋒力似乎真係削弱唔少喎！
相反，芝華士雖然有包括中場基捷斯坦、後邦尼巴甸同門將巴特古辛要踢美洲國家盃，但球隊古巴箭頭加連度帶領下，依然有好演出，近五戰就取得四勝一負，狀態咁弗，國慶日去達拉斯踩場都冇有怕啦！
