墨西哥已經有三年未曾與智利比賽，回顧最近五次對賽結果，墨西哥取得四勝一和不敗佳績，兩隊實力明顯有差距。曉高山齊士要重振墨西哥國家隊聲威，其實已經完成第一項任務，就係首日比賽兩球淨勝巴西，經此一役後墨西哥球員爭勝決心大增，相信領隊曉高山齊士都唔會畀球員停低，以免打斷氣勢影響日後發揮，今場對智利一樣照砌。
智利遇強冇料到
智利陣中有唔少國腳在歐洲搵食，但踢過兩場比賽之後表現唔算好突出，攻守都唔係好掂。上輪對巴西輸波當然唔怪得智利，但吞足三隻蛋就有多少過分。智利全場毫無還擊之力，仲畀機會羅賓奴表演。智利能力有限，搶分只怕有心無力。在馬會冇開「讓球主客和」及讓球盤情況下，「主勝」有兩倍以上投注價值算高。
