大莊賠比你
阿根廷今次美洲國家盃以最強陣容應戰，卡士絕對係參賽十二強之冠，除正選基斯普、列基美同美斯夠晒殺傷力之外，上場有波入後備球員泰維斯同艾馬亦都分量十足，後備都強過人正選，呢隊阿根廷真係唔講得笑。況且九四年世盃外圍賽陣，阿根廷頭巴斯利帶隊畀哥倫比亞插五球，今次實有仇報仇。
最慶幸係呢班阿根廷星級戰將冇扮大牌，上場分組賽面對美國一都冇鬆懈，當佢反勝二比一時候，依然士氣高昂未見留手，作戰態度相當認真。既然佢正選又夠卡士，後備又決心博表現，絕對唔擔心會煲魚生粥。
周一6寶推介
哥倫比亞作戰態度唔掂
哥倫比亞首戰慘敗畀巴拉圭，成為十二支參賽隊之中演出最差一隊，其實佢實力並唔係想像中咁差，奈何作戰態度相當唔要得，當大勢已去之後竟然完全放軟手腳，上仗就比賽末段短短十分鐘勁失三球，今仗面對唔識留手阿根廷，隨時又會慘敗收場
