蘇豪唔只一次提及，天鵝主場威力非同小可，新潟大天鵝體育場能容納逾四萬人，而且經常爆滿，fans打氣聲遍布場館，客軍未踢已失勢，上季日職前四球隊均喪師於此。今季天鵝貫徹主場遇強愈強特性，先在聯賽奇地逼和浦和紅鑽，再於日聯盃擊敗鹿島鹿角取得今季第一Ｗ，表現有根有據。
天鵝射手矢野貴章狀態弗，早前更首度入選日本國家隊，信心自然提升不少，夥拍王牌箭頭艾美臣，鋒力有晒保證。球隊中場主將鈴木慎吾右腿有傷，預計要休戰三周，對中場組織無疑有影響，但兩位奧吣_田中亞土夢及河原和壽已歸隊，中前場人腳夠砌，目前天鵝聯賽未開齋，今場唔搏就假！
川崎前鋒水準欠穩
川崎前鋒今季兼顧聯賽及亞冠盃，踢落好似冇乜影響，對上一場聯賽仲大炒ＦＣ橫濱六蛋，表現幾醒神。不過，主力射手我那霸和樹早前曾受傷，態沉落選國家隊，鋒力點都差，況且前鋒首場作客聯賽只與勝利船打和，水準唔算太穩定，今次到訪日職「強隊墳墓」，隨時葬身異地。
山葉市原捧大好路
同日磐田山葉主場對千葉市原，山葉近十次於主場對市原全開「大」，既然有可尋，大家不妨跟買大。
