勝利船重上日職後，踢落唔算太失禮，頭三場聯賽勝和負各一，表現合格。不過，佢近兩場日聯盃露晒底，兩場波失六球，防線開始出現漏洞。隻勝利船穿窿，唔係咁易補得番，聽日返到聯賽再戰，睇會繼續失波。如無意外，今場波坐底失一、兩球。
大久保嘉人撻晒
不過勝利船確係有本錢補窿，今季加盟射手李安度蒙迪拉近排已經起晒Ｑ，計埋日聯盃賽事，一連四場有「士哥」，加埋入五球。陣中仲有過氣日本國腳大久保嘉人，近期佢轉型踢中場，後上埋門一樣交足貨，畀佢踢番順，絕對唔易對付。
睇埋鹿角呢邊，情況同勝利船差不多，前鋒撻，後面失魂，鋒線新拍檔柳澤敦同馬昆奴斯開始料，近三場兩個加埋入五球。不過班守將演出就不敢恭維喇，近三場失七球，季初集中力認真麻麻，今場對住勝利船，大家都係攻強守弱，玩「大」盤最穩陣
