億萬大軍車路士今晚英超出戰包尾大幡屈福特，無疑係一場強弱懸殊之戰，相信車仔作客贏波機會仍然高唱入雲，但問題係可唔可以贏夠兩球開出「讓球客勝」，筆者認為與其估佢炒唔炒得起屈福特，倒不如博佢快刀斬亂麻，撐「客客」仲實際。（有線63及64、泰星U40台周日凌晨0:15直播）
藍戰士歐聯前夕旺開半全贏
其實完成國家隊賽期，車路士班星級國腳體力上無疑較為輸蝕，加上又要備戰下周中對華倫西亞歐聯大戰，今戰肯定會有所顧忌，雖然車仔近六場聯賽全勝兼未失一球，但撐佢今仗作客大炒屈福特似乎並唔係最理想投注策略。
不過車路士現階段仍然與曼聯鬥個你死我活，聯賽絕對冇失分空間，為要同時兼顧歐聯，最折衷方法相信係採取速戰速決策略，在上半場盡早奠定勝局，至於贏幾多球反而係其次。事實上車仔在今季歐聯前夕，八戰之中有七仗開出半贏全贏，相當好路，與其今仗冒險捧1.85倍「讓球客勝」，博1.6倍「客客」明顯穩陣得多
