今日禾清為大家推介一場好，荷甲阿爾克馬爾主場鬥華域克，主隊未必半場就一放到底，華域克分分鐘捱到半場。阿爾克馬爾國腳多，或會受國際賽後遺症影響發揮，再加上佢已將戰線移去歐洲，今仗會否強陣出擊都成問題，一於吼「半場和」。（周日凌晨2時開賽）
計雙方實力，點秤都係阿爾克馬爾高華域克兩班，特別係華域克作客好唔掂，所以禾清唔懷疑佢贏波機會，但半場贏唔贏到就好有疑問。
主力剛踢完國際賽
睇番阿軍陣容，有高化文斯等多名荷蘭國腳，而艾維拿斯亦要為格魯吉亞於國際賽出戰，狀態如何實成疑問。另外，阿爾克馬爾下周中足協盃要惡戰雲達不來梅，今仗有機會收起部分主力，主場睇定食，半場分分鐘贏唔到，「半場和」好分頭博得過
