護級希望愈愈渺茫韋斯咸，今晚會主場迎戰米杜士堡，我認為主隊無把握全取三分，米堡受讓平半，下盤玩得過。（泰星U40台周六晚10:00直播）
米杜士堡表現硬淨
米杜士堡踏入○七年只係輸過畀曼聯、車仔同曼城，不敗率超過八成，其中對曼城一仗輸波，其實係因為要留力備戰對曼聯足總盃重賽，可見整體表現實在極為硬淨！上場米堡因為C朗一記有插水嫌疑十二碼，搞到足總盃飲恨出局，呢啖氣仲谷住谷住，搵韋斯咸發洩就最！
主隊韋斯咸，緊餘下賽程對手尚包括阿仙奴、車仔同曼聯，搶分機會唔多！難為領隊古比士利仲有心加把口，批評米堡對曼城一仗留力，對其他護級分子唔公平，明顯就係搵緊藉口落台啦，球員聽到又點會唔洩氣？憑佢帶隊以來勝率唔夠兩成劣績，今場仲點敢要上盤？
