由於平時寫開日職，所以今次心大心細三場推介都係日職賽事。頭場推薦新潟天鵝對川崎前鋒，有留意開日職朋友可能都會估到呢場會推介「入球大」，事關川崎前鋒呢隊波風格就係進攻，而且呢支上季亞軍更加係日職入波最多球隊，近六次同天鵝交手總入球最少都有三球，加上佢上輪聯賽狂數FC橫濱六比○，證明攻力非同小可，對住聯賽未贏過天鵝，前鋒準備「大」快朵頤。
市原強勢 磐田「大」難臨頭
次場推介係磐田山葉對千葉市原，市原連續兩場盃賽贏波之後信心大增，而且卷找焕傻纫槐妵_歸隊，令球隊實力完整，今次食住氣勢，要連開五口大唔係冇可能，再講佢近五次作客山葉，總入球未試過少過四球，有數據支持值得再追。
最後一場有甲府風林主場對大阪飛腳，風林日聯盃連續兩場搞掂聯賽「一哥」名古屋八鯨，球隊士氣大好，不過佢聯賽連輸三場，對住聯賽三連勝兼未失過波飛腳，今次仍然唔樂觀，所以博飛腳贏波爭上榜首兼延續四口大更數！
