雖然巴塞隆拿近期受到朗拿甸奴季尾轉投AC米蘭消息困擾，但好在美斯同伊度奧狀態唔錯，相信今晚有力炒起有主力前鋒艾里斯文迪停賽缺陣拉科魯尼亞，巴塞隆拿「讓球主勝」可捧！（有線61、泰星U35台及中央5台周日凌晨4:00直播）
巴塞目前西甲與西維爾同得五十三分，僅以較佳對賽成績暫列榜首，為拋離對方，餘下賽事真係不容有失，畢竟西甲只剩低十一輪比賽，一分都有可能成為最後可唔可以奪標關鍵。
拉科艾里斯文迪停賽
無錯，巴塞近期為朗拿甸奴季尾會唔會轉投AC一事搞到頭昏腦脹，好彩美斯狀態大勇，近兩仗連入四球，另一前鋒伊度奧扭完計後近排亦開始入番波，所以絕對唔需要為巴塞鋒力擔心。另外，頂替迪高位置恩尼斯達狀態亦唔曳，周中更為西班牙射入奠勝一球，話唔定今晚又再成為「雷霆救兵」。
拉科近期極之倚賴穩守突擊戰術，已連續十一場開細，可惜全隊唯一比較識入波前鋒艾里斯文迪今晚需要停賽，令拉科入唔入到波都成疑問，更令人擔心係，拉科係目前西甲作客失波第三多球隊，一條防線有幾多料大家應該心有數，唔買「讓球主勝」真係對唔住自己！
