周中意大利歐國盃外圍賽順利全取三分，真係可喜可賀，不過日前有報道指，若意大利贏唔到蘇格蘭，領隊鄧納東尼大有機會被炒，由ＡＣ主帥安察洛堤接替！安察洛堤亦表示不知幾想意大利國家隊，相信佢依家會幾失望，算了罷，你都係專心幫ＡＣ米蘭爭取好成績仲好，今日對羅馬我撐你呀！（有線體育台62周日凌晨２時30分直播）
ＡＣ米蘭近日狀態明顯復甦，加上排第四巴勒莫愈踢愈沉，下屆張歐聯入場券遲早到「紅黑兵團」手。咪話「大哨」冇貨交，自從佢過檔ＡＣ後，球隊真係有起色，依家排第五，只係落後巴勒莫五分。今場巴西孖寶「大哨」搭奧利華拉大有機會再做箭頭，卡卡就後上支援，班國腳踢完周中比賽後，體力可能恢復唔切，但羅馬主力柏路達一樣會腳軟！
留力歐聯搏殺好過
穩站第二羅馬要趕上國米就唔使諗喇！跟佢尾拉素又落後九分之多，所以羅馬聯賽都有無欲無求feel，反而將目標轉向下周中歐聯仲好，話晒相隔廿三年至再入八強，梗係要畀心機喇！
羅馬同ＡＣ米蘭近年對賽都係半斤八，今場ＡＣ受讓的確好數，愛隊羅馬sorry喇，今場我理性行頭，唔撐你一次咁多啦！
醒神提示：呢個禮拜開始歐洲轉番夏令時間，記得所有比賽都會提早一個鐘頭舉行，大家睇夜波時可以早休息，不過若要睇早場，就記得早返屋企喇！
OL-Tips
AC米蘭（下盤）
