今季葡超可謂首都球隊天下，連比蘭倫斯都打入前列，今晚佢主場鬥艾維斯，伊臣相信主隊可向包尾球隊艾維斯瘋狂炮轟，主W信心十足。（周日凌晨2時開賽）
比蘭倫斯未開季之前向足總告發基維辛迪上季派出違規球員，繼而換取到留級葡超資格。球隊知道呢個席位得來不易，所以今季大打爭氣波，要話畀所有球迷聽球隊並非單靠「篤背脊」咁簡單。最近兩場比蘭倫斯同樣以二比○比數挫敗國民隊及費利拿，連取六分後已打入歐洲足協盃參賽資格區，氣勢強勁。
對手艾維斯今季只贏過兩場，實力幾差球迷心中有數。雖然話數字上仍然有機會護級成功，但要打破聯賽客場不勝劣績並非容易，對賽往績方面亦不利艾維斯，最近四次作客比蘭倫斯為一和三負，今次想偷雞都難
