經過國際賽後，關爺相信唔少國腳都踢到殘，令國腳充斥頂級聯賽增添變數，關爺今日重心推介一於向英甲埋手。榜首球隊斯肯索普主場對尾五巴拉福特，正係斯軍大開殺戒、掃走近期三連和悶氣好時機，「讓球主勝」可取。
斯肯索普踏入三月後頻頻失分，近三場聯賽都陷於苦戰才打和對手，不過比賽係逐場計，關爺睇好斯肯索普今場可以反彈。對手巴拉福特實力太弱固然係原因之一，另一主因係斯肯索普連續失分後，已經畀布里斯托城追近至兩分距離，會令球員產生危機感。
預埋伊奧維下盤諾咸頓細
事實上，斯肯索普依家最需要一場漂亮勝仗打破連續和波悶局，否則長此落去，隨時令之前努力功虧一簣。
另一場奧咸主場對伊奧維，兩軍目前都位處升班附加賽區，估計雙方都唔想有乜閃失，好可能和氣收場，伊奧維受讓好路。至於諾咸頓主場對白禮頓，白禮頓出名守強攻弱，自己入唔到波亦唔會畀對手搵到破門機會，開「細」機會高。
