經過一個星期多國際賽期，各地聯賽戰火重燃，小弟見西甲再開即時搵番場華倫西亞對愛斯賓奴推介畀大家，事關華倫西亞主場一向強勁，而且愛斯賓奴近三季作客華倫都輸波收場，今次一於支持「蝙蝠兵團」！（有線61、泰星U35台及中央5台周日凌晨2:00直播）
華倫西亞上場不敵桑坦德，相信令唔少球迷跌眼鏡，不過佢主場成績仍然信得過，今季主場十勝一和兩負，主場成績排西甲第三，所以小弟覺得佢主場出擊可以睇高一線。雖然今場有前鋒摩連迪斯為西班牙披甲時勇戰受傷而可能長抖，但另一個前鋒韋拿狀態甚弗，今場有佢助陣，華倫西亞主場一定更惡！
愛斯賓奴對賽輸蝕
愛斯賓奴雖然最近走勢唔錯，連歐協在內已經連續十場不敗，不過佢對華倫西亞往績就非常蝕底，近五季作客未贏過「蝙蝠兵團」不特止，近三次作客夾埋仲吞十一隻光蛋。既然華倫西亞無論實力定心理都贏晒對手，今次主場出擊，要大炒對手都唔係冇可能
